ஆர்.ஜே. பாலாஜி இயக்கத்தில் உருவாகும் சூர்யா 45 படத்தில் இருந்து ஏ.ஆர். ரகுமான் விலகியுள்ளார். அவரது இடத்தை இளம் இசையமைப்பாளர் ஆக்கிரமித்துள்ளதாக தகவல்கள் தெரிவிக்கின்றன.

ஆர்.ஜே.பாலாஜி இயக்கும் சூர்யா 45

மூக்குத்தி அம்மன் மூலம் இயக்குனராக அறிமுகமான ஆர்.ஜே. பாலாஜி, பின்னர் வீட்ல விசேஷம் படத்தின் மூலம் வெற்றியைத் தொட்டார். தற்போது அவர் இயக்கி வரும் புதிய திரைப்படம் சூர்யா 45, ட்ரீம் வாரியர் பிக்சர்ஸ் தயாரிப்பில் உருவாகி வருகிறது.இத்திரைப்படத்தில் நடிகர் சூர்யா நாயகனாக நடிக்க, அவருக்கு ஜோடியாக திரிஷா நடிக்கிறார். கோவை மற்றும் அதன் சுற்றுப்பகுதிகளில் நடக்கும் இந்த படத்தின் படப்பிடிப்பு தீவிரமாக நடைபெற்று வருகிறது.

சூர்யா 45: மாசாணி அம்மன் கோவிலில் தொடங்கிய படப்பிடிப்பு

சூர்யா 45 படத்தின் படப்பிடிப்பு கடந்த மாதம் மாசாணி அம்மன் கோவிலில் பூஜையுடன் தொடங்கியது. பொள்ளாச்சி அருகே உள்ள இந்த கோவிலில் நடைபெற்ற தொடக்க நிகழ்வைத் தொடர்ந்து, படப்பிடிப்பு முழு வேகத்தில் நடைபெற்று வருகிறது.இப்படத்துக்கு ஜிகே விஷ்ணு ஒளிப்பதிவாளராக பணியாற்றுகிறார். மெர்சல், பிகில், மற்றும் ஜவான் போன்ற பெரிய படங்களில் ஒளிப்பதிவு செய்த அனுபவம் கொண்ட அவர், இந்தப் படத்திற்கும் வண்ணங்களை சேர் காலமாக்குகிறார்.முதலில் இசைப்புயல் ஏ.ஆர். ரகுமான் இசையமைப்பாளராக அறிவிக்கப்பட்டிருந்தபோதும், தற்போது புதிய இசையமைப்பாளர் இப்படத்தில் பணியாற்றுகிறார்.

சூர்யா 45: ஏ.ஆர். ரகுமான் விலகல் பற்றி பரவும் தகவல்கள்

சூர்யா 45 படத்தின் படப்பிடிப்பு விறுவிறுப்பாக நடைபெற்று வரும் நிலையில், இசைப்புயல் ஏ.ஆர். ரகுமான் இப்படத்திலிருந்து விலகியுள்ளதாக அறிவிக்கப்பட்டுள்ளது. இதுகுறித்து ஏதாவது காரணத்தை படக்குழு வெளிப்படுத்தவில்லை.சமீபத்தில், ஏ.ஆர். ரகுமான் ஒரு வருடத்திற்கு சினிமாவில் இருந்து ஓய்வு எடுக்க திட்டமிட்டதாக தகவல்கள் வெளிவந்தது. இதனுடன், அவரது சூர்யா 45 திரைப்பட விலகல் இடைசெருகப்பட்டு, அதுவே காரணமாக இருக்கக்கூடும் என்ற ஊகங்கள் வலம் வருகின்றன

சூர்யா 45: புதிய இசையமைப்பாளராக சாய் அபயங்கர் தேர்வு

ஏ.ஆர். ரகுமான் படத்திலிருந்து விலகியதற்கு பிறகு, புதிய இசையமைப்பாளராக யார் வரப்போகிறார்கள் என்ற எதிர்பார்ப்பு ஓயவில்லை. தற்போது, அந்த அறிவிப்பை படக்குழு அதிகாரப்பூர்வமாக வெளியிட்டுள்ளது.அதன்படி, சுயாதீன பாடல்களான “கட்சி சேரா”, “ஆசை கூட” போன்ற ஹிட் பாடல்களுக்கு இசையமைத்து, சென்சேஷனல் இசையமைப்பாளராகவும் பாடகராகவும் பரபரப்பை ஏற்படுத்திய சாய் அபயங்கர் தான் சூர்யா 45 திரைப்படத்துக்கு இசையமைக்க உள்ளார்.

சாய் அபயங்கர்: திப்பு-ஹரிணி ஜோடியின் மகன், இசை உலகின் அடுத்த சென்சேஷன்?

சாய் அபயங்கர் வேறுயாருமில்லை, பிரபல பாடகர்கள் திப்பு மற்றும் ஹரிணி ஜோடியின் மகன் தான். இசையமைப்பாளராக தனது பயணத்தை லோகேஷ் கனகராஜ் தயாரிப்பில், ராகவா லாரன்ஸ் நடிக்கும் பென்ஸ் படத்தின் மூலம் தொடங்கியுள்ள சாய், தனது இரண்டாவது படத்திலேயே சூர்யா போன்ற முன்னணி ஹீரோவின் படத்தில் இசையமைக்க கமிட்டாகி உள்ளார்.இவ்வேகமான முன்னேற்றம், அனிருத் போல் அடுத்த தலைமுறை சென்சேஷனல் இசையமைப்பாளராக சாய் அபயங்கர் உருவெடுக்கும் வாய்ப்பை உறுதிப்படுத்துகிறது.